美味天使「藍莓」劉俐雖然只主持無綫節目《世界盃動起來》其中一個環節，但已多次被彈口窒窒，前晚她再爆出搞笑事件！當李綺雯問她最愛哪位葡萄牙球星時，劉俐說：「C朗！其實我同佢幾熟，成日傾電話，我仲會叫佢做『啷啷』！」引來全場爆笑，而李綺雯則說：「好凍！」至於體育節目主持李思雅則戥巴西球星卡卡被趕出場不值，寄望他「入到去之後表現好啲」，吳家樂狂笑反問「入去邊？」嚇得李思雅急急解釋是「入16強」！
另外，李克勤昨日在電台節目中透露，昨晨未能欣賞西班牙對洪都拉斯：「因為落大雨，睇唔到！」林海峰笑他：「你係TVB人！」克勤即說：「整蠱我！睇波啦！」