曾志偉：搵個唔飲酒嘅人負責監場，控制住局面，或者幾個人搭的士都OK！

官恩娜：如果要自己揸車就更加唔會飲，咁樣好危險！世界盃期間，我都係喺屋企陪家人睇波多！

范振鋒：法例冇咁緊之前我都照揸車，但依家真係唔會咁做！醉駕好唔負責任、好衰，受害人好無辜！如果我知道今晚有機會飲酒，就唔會揸車出去，坐的士啦！

梁靖琪：以前飲一杯紅酒都會揸車，但依家法例收緊咗好多，如果同朋友出去酒吧睇世界盃，飲一啖都唔會揸車，最好坐的士做安全乘客！

洪天明：最好就係唔好揸車！唔係飲幾多杯嘅問題，一係泊架車喺停車場，第二日先攞，一係就飲酒前將架車揸返屋企先，嘥時間都冇辦法！