早前因醉駕被判罰款及停牌的有線主播衞志豪，遭裁判官訓斥逾十分鐘，有線發言人表示衞志豪不會再作回應，並指由於有線重視紀律及操守，故已決定停止衞志豪幕前工作1個月，以及兩個月內不會為他接Job，讓他有空檔反省。問到衞志豪「聞判」後的反應？發言人說：「佢好後悔，知道自己做錯，所以好願意承擔！」
至於與「醉駕三星」葉童、黃泆潼及衞志豪分屬老友的陳百祥（阿叻），昨日「大義滅親」直言醉駕不應該，受罰亦相當合理！剛從外地回港的他，並不知道葉童與黃泆潼昨晨被判刑，但就指衞志豪抵鬧：「飲酒真係唔好揸車！好似我依家飲緊酒都搵司機揸車，冇司機咪坐的士囉！法例已經實行，唔應該去博！我已經呼籲所有老友飲酒後唔好揸車，但好多人都覺得飲咗酒都會好清醒，如果一個唔覺意畀人再拉多次就要坐監，咁就大吉利是，所以陳國熹應該請個司機畀葉童啦！」