小小So早排喺海港城行街，見到台模瑞莎影緊相，即刻上前同佢打招呼，點知佢好客氣，叫小小So等佢影完相一齊食晚飯，期間瑞莎同小小So講佢嘅發展大計，除咗做Model之外，佢仲打算進軍大銀幕，所以嚟緊會長住香港，方便開工喎！
瑞 莎：我今次只係嚟幾日影吓相，之後就要返台灣。
小小So：你成日飛嚟飛去都好辛苦喎！
瑞 莎：冇法啦！最緊要有工開！不過依家打算發展香港市場，想多啲時間留喺香港，始終喺香港知名度唔夠，想多啲香港人認識。
小小So：專注做模特兒？
瑞 莎：唔會喇！我會試吓拍戲！
小小So：咁住邊？
瑞 莎：依家住喺酒店先！但係好貴，所以嚟緊都會睇吓有咩樓租。
小小So：咁希望你搵到又平又靚嘅盤啦！