影壇新人陳嘉桓（Rose）昨日以代言人身份，與王若琪及Square成員Rex及Brian，在西九龍中心出席《美肌誌－夏日美肌PERFECT MATCH》活動，暢談護膚心得，更充當模特兒行騷，當中Rose身穿連身短裙，大騷43吋長腿！有武功底子的她，最近忙於宣傳新片《葉問前傳》：「我要去北京、台灣同馬來西亞宣傳，會狂擦美食。（唔怕肥？）同師兄杜宇航練多啲功囉！」
至於王若琪則穿短裙及高踭鞋，但仍比Rose矮了一截，當她準備獻唱新歌《破鏡》時，卻因機器故障未能演出：「唱唔到係有啲失望！首歌係之前好唔開心時寫嘅，嚟緊我會轉形象，會女性化啲！」而Rex中場換衫時竟穿錯了Brian的緊身褲，導致延誤出場，事後Rex解釋：「因為得10秒換衫，好趕！」