亞視的歌唱比賽《亞洲星光大道2》昨晚舉行冠軍戰，彭遠揚在千五名觀眾見證下成為新一屆歌王，亞軍及季軍分別是鄭苑瑛及于天龍。評判之一的肥媽賽前坦言今屆參賽者的水準不及上一輯，問到睇好哪位參賽者，她說：「上輯亢帥克由頭帶到尾，但最後畀羅力威贏咗，所以冇得講。」對於無綫《超級巨聲2》的評判杜麗莎及陳潔靈爆發罵戰，肥媽說：「我同陳潔靈熟啲，佢好有修養，聽到都戥佢唔抵，大家咁高咁大，咁樣畀對方噴，唔明點解唔剪走佢！（叫杜麗莎收斂吓？）性格冇得變！（你哋有冇交惡？）幾時輪到我？」至於上屆冠軍羅力威則擔任表演嘉賓，並透露忙於籌備10月推出的唱片。