江若琳（Elanne）昨日在海港城為新歌《BaBaYa》舉行首播會，身穿長袖外套襯棉褲的她，與舞蹈員做出疊羅漢及倒掛金鈎等高難度動作，事後她說：「我成身濕晒，裏面仲滴緊汗呀！」玩遊戲時，她送上帶汗的毛巾及手鈪給粉絲，令全場尖叫！她坦言事前搏盡練舞：「排呢隻舞真係搵命博o架！因為排舞室樓底唔夠高，我哋要喺露台練，嗰度成3層樓高，第一次企上舞蹈員膊頭時，真係腳仔軟，如果失手，真係分分鐘跌落街呀！」另外，對於鄧麗欣與傅穎（Theresa）轉行跳舞路線，Elanne不擔心比較：「大家路線唔同，我同Theresa都有留意大家嘅舞步，佢比較少女，我就男仔頭啲，我仲封佢係Sexy Baby添！」