昨日是父親節，「百果園咪神」陳靜（DaDa）與「翻版大S」李莉琳（Liz）出席apm舉辦的《第4屆全港足球父子兵騎牛牛競技賽》。DaDa表示父親在內地做生意，打算稍後炮製海鮮大餐補祝，而Liz則自稱被父親撇低：「我叫佢嚟，但佢話跑馬，所以唔嚟。（收入多咗送厚禮？）都係食嘢，其實我賺多賺少，每個月都會畀好多家用，起碼人工一半！」
其後，DaDa突然表示對不起父親：「我之前話Daddy覺得我愈來愈大，其實係指我大個女，唔係指身材，我Daddy唔係變態o架！好多親友打嚟問我，希望Daddy唔好嬲，我怕佢唔開心。（Daddy唔介意你性感？）唔介意，佢覺得泳衣健康，但18歲前唔畀着泳衣影相。」
