近日「密實湯唯」(11)李文煊被指得無綫厚待又是內定港姐冠軍，(14)李俍嬿和(15)張秀文即埋身「擦鞋」討歡心，希望成功博見報！不過，同一小組的(12)湯寶珍卻未受「強勢」所迫而屈服，反而發圍闖出血路，不理無綫懲罰，犯規植假眼睫毛及戴「大眼仔」隱形眼鏡，並在泳裝拍攝時，私下攝胸墊，希望突出自己，惟其行徑卻遭同一小組佳麗杯葛，更列舉其三宗罪，指她作狀、乞人憎及愛黐羅仲謙博出位。
至於李文煊未則有理其他佳麗「內訌」，集中留意自己內定新聞的情況。據知，她於昨日凌晨二時許（即香港凌晨四、五時）上網看自己的新聞後，隨即向大會報告有「金手指」，但當記者昨午問到有關內定一事時，她卻扮驚訝表示不知道有退選潮：「我畀人杯葛？好驚訝？邊個退選呀？我哋相處OK。（話你爸爸後台好勁？）我爸爸喺上海，唔喺香港，唔會有咩關係。（靠張天愛關係？）我哋係老師同學生關係，老師叫我參選，今次我係靠自己努力，我覺得好無奈！」而大會監製何小慧則否認無綫偏幫：「冇聽過退選，佳麗都冇異樣。（李文煊啲裙特別靚？）衫係因應個人Style而選，抽籤都好公平，其實唔止(11)突出，(8)同(13)都好Sharp吖！」
