應屆港姐15位候選佳麗昨日繼續印度之旅，到達德里一所酒店的泳池拍攝泳裝，雖然已是佳麗此行第二度以泳裝示人，但由於這套白底銀花比堅尼比之前的紅色泳衣更具噱頭，佳麗遂把握機會展示最佳狀態博見報，其中D Cup上圍的(8)彭慧中信心十足挺胸而出，同場只有赤膊的大隻仔羅仲謙可與她一較高下，難怪連嘉賓曾志偉也笑言是專誠為睇彭慧中而來！

羅仲謙翹手夾胸，胸肌澎湃，搶盡佳麗「峰」頭！	(3)張藝婷挺胸收腹過度，搞到胸骨激凸！	被指隆胸的(2)張莉莎，擺出招牌甫士騷胸。

自嘲有肚腩懶減肥

問到是否因身材勁而變得充滿自信？彭慧中自嘲：「唔係！我都有肚腩吖！（節食減肥？）我太懶啦！冇時間Keep Fit。（傳(11)李文煊係內定冠軍，你費事Keep Fit嘥心機？）我同佢係好朋友，大家都喺英國返嚟，有相同背景、共同話題，我冇聽過傳聞有退選潮，我唔信有內定冠軍。」另外，雖然無綫對泳裝拍攝特別戒備以防洩春光，但(12)湯寶珍還是被太貼身的泳褲出賣。

(9)李雪瑩在炎熱天氣下拍攝水着照。	曾志偉對着(10)馬鈞怡手指指。	放大圖片