靚佬湯風騷搶金美倫鏡

電影《戀戰特務王》前日在西班牙塞維利亞舉行首映，主角湯告魯斯及金美倫戴雅絲均有出席，靚佬湯與老婆姬蒂賀姆絲晒恩愛搶鏡，全程笑晒，行紅地氈時友善地為Fans簽名影相，對於新片，他說：「最重要係娛樂觀眾，我只當自己係電影學生，電影本身先最緊要。」金美倫則自爆與靚佬湯在片場互打作樂，又讚對方是特技之王，對電影及家庭充滿熱誠。此外，靚佬湯女兒蘇莉穿高踭鞋惹爭議，家長群起抨擊賣迷你高踭鞋的店舖。