李綺雯有份主持無綫節目《世界盃動起來》，對於被批評齋Talk冇波睇，李綺雯大感無奈：「我覺得唔係無綫錯，買唔到播映權都冇辦法，但唔播唔代表乜都唔做，呢件係全世界都關心嘅事，睇唔到都應該有知情權，無綫已用盡方法將資訊話畀大家聽。」
不過，李綺雯仍不敢怠慢，每日做足功課，還上網找資料：「因為唔想衰。（外間讚你係最識講波嘅女主持！）唔好咁講，我同班前輩仲有好大段距離，不過自己每日都有做功課，睇足三場賽事，仲會上網搵資料。」有指部分嘉賓不夠專業，她說：「好多嘉賓都係為搞氣氛，尤其係女仔睇波多數講情意結，即使碧咸冇得踢，見到佢上鏡都會尖叫，幾好笑。」
