梁嘉琪早前工作不順，特意到柬埔寨旅行體驗貧苦生活：「我去咗兩條村探小朋友，嗰度啲屋好簡陋，水上面嘅村仲有鹹魚味，啲水好污糟。而小朋友冇着衫，好怕醜，我哋將身上嘅糖畀晒佢哋，要同佢哋傾好耐先敢拎。當時工作好唔滿足，去完之後覺得心靈好富足，知道自己好幸福。」她還大膽試食曱甴，笑言感覺似脆卜卜的薯片。

梁嘉琪做主持、演戲瓣瓣掂，她亦愛作多方面嘗試。

與江若琳（中）及李思欣合演古裝新劇，梁嘉琪（左）視為新挑戰。

初演古裝劇

回港後，梁嘉琪埋首拍攝劇集，繼《學警狙擊》後再與江若琳合作，她說：「第一次拍古裝劇，喺《洪武三十二》中飾演王后，拍古裝最辛苦係個假髮好重，想效果靚又加咗好多髮釵，搞到個頭不停向後墜，唔可以亂郁，好彩多廠景，古裝都唔怕熱。」她亦有參與《獎門人》等遊戲節目及主持工作，讓觀眾認識她玩得的一面。