好男人小齊與拍拖多年的女友Tina一直表現恩愛，年前更誕下一對寶貝仔女，向來是緋聞絕緣體的他，原來曾寫下一曲《美麗的壞女人》送給樣靚身材正的Maggie Q，問到有否寫歌給Tina？他竟然想不起是哪一首，認真大膽！

問到為何寫歌給Maggie Q？小齊說：「佢好靚女，以前佢幫我喺演唱會度跳舞，加上我哋又拍過廣告！（佢係壞女人？）女人不壞，男人不愛！唔係因為壞，只係佢好Sexy同有吸引力，對男人有危險，好多男人都甘心為佢冒險！（你都係？）我冇諗過呢一層，哈哈！」

賺夠兩億即退休

即將踏入44歲的小齊，只希望平安與健康，他表示年紀愈大愈感激父母的養育之恩：「每年呢個時候，我都特別多謝媽咪咁辛苦生我養我。（點慶祝？）我好怕切蛋糕，我後生過校長（譚詠麟）兩年，佢25歲，我23歲，不過呃唔到自己，哈哈！」他笑言賺夠二億即退休，惟迄今尚欠億幾。