形象正氣的方大同為幫唱片公司催谷師妹Shiga（連詩雅），竟聯同周柏豪夾計整喊師妹，並將大整蠱片放上YouTube及Facebook，點擊率衝破一萬人次。片中所見，方大同黐上大鬍子教Shiga喬裝出街，周柏豪則與方大同化身「狗仔隊」，飛撲出來狂影Shiga，嚇得她放聲啕哭。
剛派了第一首歌《灰伯爵的忌廉遐想》的Shiga，談到被整蠱一事亦忍俊不禁：「睇番條片都覺得好笑！（見到記者使乜咁驚？）公司講咗唔畀我曝光，突然有記者衝過來，真係嚇死！佢哋仲追住我影相，真係嚇到喊！連柏豪揸住相機嗰剎那都認佢唔到，諗起都覺得搞笑！」