最近Annie G.轉攻DJ界，與「舊八模」隊員Hailey C.組成MonsterBeez另闢血路，為了以索爆造型示人，Annie G.瞓身抗「頑脂」：「依家我只可以一日食一餐，食碗麵就頂一日！」不過她坦言最難捱的並非肚餓，而是好友DaDa及A. Lin經常在她面前盡情吃喝及大談美食經，引誘她犯禁：「佢哋真係好乞人憎o架！」

放大圖片	Annie G.為了靚靚，一日只食一餐吊命。

98磅仲要減

幾經努力下，Annie G.由逾百磅減至98磅，但她並不滿意，她扁嘴說：「我要再減多啲！因為有同事笑我仲係肥，對大髀仲有肉，要再瘦啲喎！」她透露以前曾是「火柴人」一名，但隨着年紀漸長，脂肪與年紀增長速率「成正比」，高峰期更高達112磅。問到會否考慮抽脂或食減肥藥？她表示節食已是極限，加上食藥傷身、抽脂恐怖，故她選擇做運動減肥，惟因早前大病一場，身體暫時未能「體力勞動」。