早前拍竣《財神客棧》的Yumiko，最近積極宣傳由緋聞舊愛吳浩康所寫的國語歌《背叛．被判》，問到有否試過被情人背叛？她說：「唔只感情路上，喺工作上都試過！（點樣面對？）我會做一個勇敢嘅女仔，雖然曾經喊過，但經歷多咗，發覺有啲嘢唔值得去喊！」問到有否試過背叛，Yumiko說：「喺工作上試過，幾年前有同事要求我做嘅嘢冇做到，其實係意見分歧，後來我都明白個同事嘅諗法，我有向佢道歉。經一事長一智，依家有乜嘢都會拎出嚟講！」

反派醜角照殺

早前主力拍戲的Yumiko，被問到有否重拾唱歌的感覺？她說：「都有！之前兩年有出國語碟，今年拍戲多咗，我都知道唔應該忽略歌迷！」Yumiko曾飾演女警、事業型女性及打女，問到會否考慮飾演其他角色？她說：「反派都OK！醜角都冇問題！（女同性戀者呢？）都OK呀！都係演戲，同佢哋幾易溝通，而且佢哋性格爽直。」