舞台劇《金鎖記》重演十七場，演員焦媛與尹子維作最後準備，焦媛表示自內地巡迴演出後，回港休息了一段時間，再遇尹子維時發現他「大隻咗」，她說：「因為綵排時佢要孭住我，佢問我係咪輕咗。我先發現原來係佢大隻咗囉！原來係佢不停做Gym。」焦媛大讚他有男人味，但卻不是她那杯茶：「劇入面可以投入，但我同佢唔啱嘴形，私底下唔啱我，完全冇觸電嗰種感覺，唔明點解咁多女仔鍾意佢。」

焦媛紮腳踩蹻演出，是她最辛苦的一件事。

焦媛被尹子維孭着演出，但沒有過電感覺。

初執導演筒

談到劇中的辛酸，焦媛大嘆紮腳踩蹻時最難受，她說：「對鞋好細，仲要喺舞台度行嚟行去，每次對腳都夾到瘀晒，真係好辛苦。」早前男友高志森承諾若她拿到舞台劇「最佳女演員」獎，便會與她註冊結婚，可惜最後沒有拿獎，她說：「冇失望。可以點啫？唔通上訴咩！我仲大把市場，有排揀，結咗婚反而冇咗依家自由自在嘅生活。」工作不斷的焦媛將執導歌舞劇《我的快樂時代》，她說：「一直都有呢個心願，希望可以盡快達成。（向高志森請教？）唔會啦！話明我執導，唔想有太多佢嘅嘢。」