最近有報道指關淑怡（Shirley）離開星娛樂唱片公司後，經濟出現問題，要借錢度日，面對這個傳聞，她毫不嬲怒，反而哈哈大笑說：「雜誌講借錢畀我嗰個人，我根本唔識，亦唔知佢係邊個，講到佢大把錢，不如介紹畀我，等我嫁埋畀佢啦！」

出道多年的Shirley，不甘停下腳步，依然尋求新突破、新音樂。

放大圖片

堅持繼續出碟

Shirley自言向來並非大使之人，強調經濟沒有問題，更搞笑地說：「我知大家好擔心我，但唔使驚，如果有朝一日係咁，我點都仲有屋企支持，又大把親戚，所以唔使擔心！」對於種種不利傳聞，她處之泰然，但澄清從來沒有失場，沒有失蹤！Shirley自言真心愛音樂：「我唔會Give Up出唱片，我會做番我嘅音樂，屬於關淑怡嘅音樂，唔會嘥時間喺嗰啲無厘頭傳言之中。」

Shirley早前為好友林敏驄的演唱會擔任嘉賓，贏盡掌聲！資料圖片

最近甚活躍的Shirley，與張學友（左）及黃家強演出慈善音樂會。資料圖片

Shirley澄清與前星娛樂何哲圖再合作的傳言，表示沒有接觸過，目前正跟一、兩間公司傾合作，她有感而發說：「好多人以為我獅子開大口，好老實講，呢個從來都唔係我嘅大前提，我希望有番衝勁、有膽量去嘗試新嘢，我想搵一啲可以合作到去試新嘢嘅公司，過往香港最犀利嘅地方係國際化，呢樣嘢要做番出嚟，唔係做K歌。」