歌手陳柏宇獨個兒居住，閒時甚少打掃及執屋，幸好最近獲RoadShow節目《曾Sir秘笈》邀請擔任嘉賓，與家事顧問曾近榮合作，乘機向對方請教清潔家居心得。陳柏宇表示在電影《逃學威龍》中曾看曾Sir的演出，覺得對方搞笑有一手，相反因自小在外國長大，未有機會欣賞對方在節目教人打理家居大小事務問題，他說：「佢自備咗好多道具同清潔用品到場，每個細節都教得好足，從中偷唔少師！」
陳柏宇笑言清潔家居最困難是「的起心肝」：「我好間中先會執屋o架！成日畀藉口自己！啲衫洗完拎番屋企又擺埋一邊，個廚房都積咗好多未洗嘅碗！（搵個女友打掃？）都未必靠得住！依家啲女仔都未必識做家務。」
