陳法拉在去年播出的劇集《有營煮婦》中換衫晒Bra一幕，成為全城熱話撐起收視；正播出的新劇《蒲松齡》中，她又以肚兜示人，每年一度向觀眾大派冰淇淋。法拉最近接受專訪時，大談穿肚兜的場面：「唔會好似舊年咁，古裝可以性感得去邊，都係露吓膊頭仔。個幕係配合劇情需要，講鍾嘉欣為咗驗明我係咪狐仙，要我除衫驗證。希望大家唔好將焦點放喺呢場度，套戲好落本喺特技、同埋好多神怪嘢都好好睇，成班演員都好畀心機去演。」

法拉每年拍攝新劇均有性感演出，令人期待。

法拉在劇中被鍾嘉欣勒令除剩肚兜，幸好男友沒有投訴。

問到性感演出會否惹男友薛世恒不滿？法拉說：「冇聽過佢有Complain（投訴），好多朋友都講，嗰啲好小意思啫！」她透露男友是其劇集捧場客，看得很投入，經常爆笑。

吊威吔變「梗頸四」

法拉在《蒲》劇中化身男子漢接近馬浚偉，其反串造型被讚十分俊俏，她笑說：「原來做男人好輕鬆，可以擘大腳坐，唔使理儀態好舒服！」為做個「真正男子漢」，法拉要束胸及加厚服裝掩蔽，但效果理想，令她也覺值得。而飾演狐仙的法拉，懂得法術和飛天，但拍攝時弄傷頸部，過了半年「梗頸四」的生活，她說：「戲內好多好多吊威吔戲，整親條頸，好似『瞓厲頸』咁郁唔到，之後開工就變咗機械人咁，都要半年先好番。」