內地女星范冰冰昨日從北京來港，出席在中環舉行的JOYCE慶祝Chanel暫駐店揭幕酒會。店內將展示及發售該品牌的PARIS-SHANGHAI工藝坊系列的特定服飾。姍姍來遲的冰冰以一襲Chanel晚裝谷胸上陣，並在緋聞男友兼經理人穆曉光陪同下到場，她解釋因北京下大雨，在當地等了六小時飛機，因此延誤了行程。

產後極速收身的鄭詩韻，與邱李茂琪悉心打扮現身。

鄭詩韻

對於和經理人之間的緋聞，冰冰說：「佢係我經理人咋！唔係我男友。（有冇發展可能？）冇可能。」身旁的穆曉光亦搖搖頭附和她。不過冰冰仍大讚他說：「佢係世界上最棒嘅經理人，我哋係好唔錯嘅團體，大家合作好開心，大家之間都好有愛。如果我有男友一定會公布。（要咩條件？）冇乜特別要求，最緊要有緣分，緣分嚟，有愛嘅感覺就最重要。」

范冰冰身穿Chanel晚裝，明艷照人。	專程由北京來港的范冰冰，昨晚由經理人穆曉光護送進場。	放大圖片

三年冇拍拖

再問她可會與經理人日久生情？冰冰即摸摸在旁另一名男工作人員說：「我哋唔會日久生情。其實我身邊都有好多女性朋友。（識男友要畀經理人過目？）我唔需要，只要畀媽媽過目。（經理人唔准你拍拖？）唔會，我已經三年冇拍拖。（Dry？）每個人都好愛我，我對自己都好有信心，最重要佢愛我多過我愛佢。」

另外，同場的嘉賓包括張靜初、高以翔、徐濠縈、鄭詩韻及邱李茂琪等，張靜初早前更為大會拍了一輯照片，效果令她大感滿意：「啲相好靚，中國得嚟好有現代感。」