昨日《2010香港小姐競選》15位候選佳麗繼續印度的外景之旅，長途跋涉到達齋浦爾取景，(8)彭慧中穿上三點式最搶眼，她自信地說：「我好滿意，我比其他佳麗肥啲，但冇諗住減，我有練肌肉！」而(9)李雪瑩雖然身形瘦削，卻略有腹肌，她回答問題時口震震：「我冇做Gym，只係同屋企人跑步Keep Fit。（係咪瘦咗啲？）我不嬲都係咁，嚟到印度仲瘦多幾磅，我最欣賞(10)馬鈞怡同(11)李文煊嘅高挑！」

(15)張秀文勁谷事業線，「峰」騷誘人。

(3)張藝婷屬「Big」爆一族。

(11)李文煊堅稱大學畢業

而「密實湯唯」(10)李文煊則以白滑肌膚搶鏡，她說：「我想瘦啲，已經開始食清淡啲，準備着泳衣時效果再瘦啲。我最欣賞(8)，如果有佢嘅身材當然好啦！（有指你虛報大學畢業？）我真係畢咗業，雖然成績唔係好好，但OK，你哋可以去查！（有指你開放。）點會！屋企管得好嚴，唔可以玩得好癲，讀大學有拍拖，依家冇拍。」

15位佳麗在泳池旁拍照。

(7)（左起）、(9)及(10)屬偏瘦一族，未知會否憑纖瘦身形成功搶鏡。 (左)：(7)何樂翩：年齡：22歲 (中)：(9)李雪瑩：年齡：24歲 (右)：(10)馬鈞怡：年齡：24歲

但亦有不少偏瘦佳麗，其中(7)何樂翩瘦骨嶙峋，儼如患厭食症的「火柴人」，身高5呎7吋的她僅得一百零幾磅，出場時又腳震震兼無甚睇頭，她說：「我由細到大都咁瘦，冇諗住增肥，健康就得。」

「密實湯唯」李文煊充滿自信，並堅稱大學畢業。	放大圖片	Jelly Girls成員張莉莎穿起泳衣，毫不膽怯。 (2)張莉莎：年齡：25歲

此外，未能入圍的「菲版謝婷婷」陳鈺芸（JuJu），今日推出新書《美麗是活出來的》，雖然做不成港姐，但也能轉投才女行列。而接連有攬仔相流出的(6)林碧珍則自辯：「嗰個係我好耐以前嘅男友，張相三、四年前影，依家已經分咗手，其實都唔算咩攬仔相，係普通生活照。」