由於未能取得世界盃播映權，無綫為力挽狂瀾，除派出高海寧到南非拍攝世界盃花絮外，又聲稱以七位數購得模擬入球片段，而且每晚請來大批嘉賓出席《世界盃動起來》節目救亡。可惜無綫的如意算盤打不響，前晚劉倩婷與馬賽在節目中愈幫愈忙，二人不止欠缺世界盃知識，當討論西班牙輸波原因時，劉倩婷竟指是其偶像法比加斯沒有出場「玩」所致，遂被其他主持噓爆，其中吳家樂更開玩笑問她：「玩？人哋搏命o架！咁佢下場又玩唔玩呀？你有冇同佢通過電話？」劉倩婷只尷尬傻笑回應。

劉倩婷亮相世盃節目，可惜愈幫愈忙。

許冠文冇興趣睇3D三級片。

至於日前因指黃婉曼「有波」而引起軒然大波的張國強（KK），前晚繼續「講多錯多」，竟當了吳家樂是錢嘉樂，之後惟有自兜指「大家樂佢離開咗」，聽來似詛咒錢嘉樂死了，家樂仔即笑說：「係，佢啱啱離開咗，仲好多嘢交代咗畀我。」

許冠文讚3D世界盃

另外，許冠文昨晚出席《3D世界盃在戲院》活動，本身是阿根廷球迷的他，對於3D世界盃讚不絕口：「作為電影人，我真係興奮到瞓唔着，因為估唔到可以用3D嚟睇世界盃，希望有生之年可以喺戲院睇埋其他大型體育運動。」對於入戲院看世界盃門票費用高達300元，許冠文指只是過渡期，問到有否興趣看3D三級片時？他則開玩笑說：「呢啲三級嘅嘢自己做嘅啫，睇人哋有乜好睇？嘥氣！」