組合BIG FOUR的《apm全城瞓身睇世盃 X THE BIG FOUR香港站DVD+CD簽唱會》昨日舉行，許志安刻意安排球技水皮的蘇永康及張衞健（Dicky）踢足球，豈料Dicky一招衝力射球，令守龍門的康仔碌落地，老羞成怒的他後來用波狂掟好友洩憤！

蘇永康（左）用波狂掟好友報仇。

蘇永康被「衝力射球」踢到碌落地。

Fans送紙紮飛機

期間站在台邊忙飲汽水的梁漢文（Edmond），一不留神撞正大喇叭，受驚的他仆倒仍攬住喇叭，可是他竟扮懵大叫：「咩事？」企圖遮醜。最後Fans更送上「大禮」，分別是紙紮飛機及紙Passport，四子得此「吉祥品」，大讚Fans「細心」之餘，還不忘提議：「下次送禮物用第二種物料啦！」

問到Edmond傷勢如何？他口快快地說：「撞親個『袋』！（咩袋？）褲袋邊！」Dicky更落井下石暗寸Edmond事業運：「你唔係第一次喺舞台上仆親，所以你快上快落！」