過氣緋聞男女方力申及阿嬌（鍾欣桐），昨日與導演劉鎮偉於上海出席英皇電影《出水芙蓉》全國答謝宴，二人近期經常孖住宣傳，問到會否擔心緋聞再被炒熱？小方坦言不排除有此情況出現，但自己亦不能控制。問到在開幕禮上，他與阿嬌之間隔着劉鎮偉，令人懷疑二人很生疏，小方笑說：「如果阿嬌企中間，咁咪湊成個『嬲』字？」後來他更無意間踢爆阿嬌身體不適。
對於「舊情人」突然玩爆料，阿嬌只好坦承抱恙：「可能飲完咖啡再飲其他嘢，所以就絞肚痛！我唔係有壓力，食咗止屙丸都冇咩事！」而手臂比從前消瘦的她，直認打了Botox。另外，對於拍檔蔡卓妍的公公逝世，阿嬌坦言不想打擾對方，故只傳了短訊安慰。
