陳偉霆（William）與鍾舒漫（Sherman）昨日為代言的止汗劑宣傳，兩人快閃銅鑼灣街頭大跳勁舞，引來大批途人圍觀，Sherman內襯的白色小背心領口頗闊，愈跳愈投入的她不斷扭腰、俯身，事業線若隱若現，她說：「我做晒安全措施，已經黐咗膠紙，不過又唔係黐咗好多，唔想跳舞嗰時畀人睇到啲膠紙！」首次在街頭跳舞的Sherman無懼時晴時雨的天氣，她笑說：「最好落大雨添，型啲嘛！」但William大叫怕怕並笑說：「個頭Set得好辛苦！」幸好演出時天公作美，未有影響表演。

放大圖片	陳偉霆與Sherman在街頭勁舞，十分熱鬧a 陳偉霆大派禮物，粉絲爭相親近。。

Sherman坦言不算大汗亦沒有體臭問題，問她會否與「臭狐男」拍拖？她說：「我覺得後天可以幫到，如果好似木村拓哉咁靚仔都冇所謂，以前男友有體臭，我會叫佢夏天沖多幾次涼，等個人清爽啲！」William亦表示不會接受女朋友有體臭：「幾靚都唔得！試過有女朋友係，我咪勁送香水、止汗劑畀佢囉！有時仲叫佢返屋企沖涼，呢段戀情都唔係Keep咗好耐，但係分手絕對唔關體臭事！」

《前度》票房突破百萬

另外，William夥拍鍾欣桐（阿嬌）及詩雅演出的英皇電影《前度》，截至昨日下午一時，首四日票房已收逾一百萬元。經理人霍汶希在微博上留言，若票房衝破五百萬便要陳偉霆露股，阿嬌亦承諾會請食飯慶祝，她在微博說：「世盃期間有此成績，可喜可賀！」