書展將至，又是o靚模推出寫真的良機，對於Donut寫真集錯字百出，周秀娜昨日出席活動時說：「都分唔到邊個係Donut，係咪食得嗰啲呀？（太多o靚模分唔到？）係都記咗自己公司新八模先。」問她是否着重正字，她搞爛Gag的說：「我唔識正字（政治）喎！都係嘅，推出寫真就唔好慳啦！得閒都要做吓校對，話晒人哋都畀錢買。」對於有指Donut將推出不同類型產品，似抄襲其去年手法，周秀娜說：「各有各做，我出乜都未知，可能出牆紙啩！（導致家變喎？）幾廿蚊啫！唔會家變呀？」此外，她對Jessica C.（JC）的寫真半裸上陣，問到有何秘密武器迎戰，她即暗寸說：「咩都冇得睇，只係睇到真空（胸）。」似質疑她胸部真偽。