曾爆出「男友可以冇，工人唔可以冇」金句的諸葛梓岐，昨晚終於親身感受「冇工人」的苦況。諸葛在微博吐苦水，原來昨日她看完中醫趕回家，湊巧工人休假，故她便親自煎藥，但因太累在睡房小休，卻被陣陣白煙嗆醒，當時她還以為是其他住戶出事，及後濃煙愈來愈多，她便走出睡房，驚見大廳全是煙，才猛然醒覺煲燶中藥。當推開廚房門更差點「嗆死」，情急之下她即時拿開藥煲，卻不慎被燙傷！
事後記者致電問及詳情，她說：「當時我見到好大煙，已心知不妙，入到廚房伸手不見五指，當堂喊咗出嚟，仲想拎起個煲了解乜事，點知辣親隻手，本來我積勞成疾，加上壓力又大，所以嗰下爆出嚟，坐喺梳化喪喊。」其後她表示工人姐姐趕及回家，隨即打開窗散煙，可算有驚無險。