14/06/2010

播放本新聞相關短片

鍾鎮濤小注買波嗌餐飽

鍾鎮濤（阿B）昨日出席世界盃活動，熬夜睇世界盃的他說：「英格蘭咁都Win唔到美國！（有冇落注買波？）買好細，都係買嚟嗌啫！」提及父親節，他指囡囡鍾懿會送一張心意卡給他。問到會否與囡囡齊拍廣告？阿B指囡囡學業行先，將來要看她的個性，適合的都可以嘗試。他又指在活動上與囡囡鍾懿大唱兒歌：「學校嘅老師仲叫佢去上詩歌班。」