後日24歲生日的羅力威，昨日與500名歌迷慶祝，「星光幫」好友豹哥及亢帥克撐場，而來自內地及澳門的歌迷亦拍下短片鼓勵，令羅力威感動得眼濕濕。帶同男性好友兼新碟填詞人Jerry上台的羅力威說：「我知有人誤會我哋嘅關係，其實我哋只係好兄弟咁簡單！入行後條路難行咗，每步都好小心，有時我都未夠肯定，要靠歌迷為我叉電。」
而伯樂兼羅力威新碟音樂總監方先生出言力撐：「之前話冇公司簽佢，我想澄清唔係冇人要，係佢啱啱同亞視傾完合約，因為我哋堅持唱、編同填詞都自主。我哋最快下月推出唱片，最遲12月，希望今年角逐新人獎！」另外，羅力威爸爸拿兒子的衣服拍賣，籌得5萬元撥捐慈善機構。
