周秀娜昨日率領新八模及組合Bro出席在銅鑼灣街頭舉行的《Yahoo！激鬥龍門街頭大比拼》活動，身穿露臍小背心襯熱褲的她力谷3吋Y形事業線。現場有逾百途人圍觀和拍照，甚至趁她烏低身時「高炒」她，而當她和師弟妹玩射龍門時，不小心一腳將吹氣膠波射向師妹Jeana面上，明請對方食波餅，其後她急急呵番師妹，她笑說：「世界盃要食吓波餅。（請男友食？）我哋唔係捧同一隊球隊，都要佢食吓o架喇！」對於日前再有腐蝕性液體傷人，而昨日活動地點亦曾發生擲鏹水彈案，問到可會害怕？周秀娜說：「之前唔知個活動喺戶外，不過做嘢OK，都放心。」她不怕曬傷，並笑言為拍新片常要晚上開工，沒有機會見陽光，感覺如做殭屍，戲中更要應付不少動作場面及吊威吔。

放大圖片	周秀娜一腳將吹氣膠波射向師妹Jeana的面上，即急急上前呵番。	放大圖片

Jeana中頭獎開心

慘食波餅的Jeana表示不會介懷：「中咗頭獎好開心，今日要買六合彩。」但她坦言當時一刻實在不懂反應，因事出突然，感到尷尬及有少少想哭。另外，Hidy（余曉彤）被發現左胸胸墊移位，令胸形變得奇怪，她直認不諱：「因為我件打底Tube Top太舊，下次會小心啲。」對於日前劉欣宜疑不慎露毛，Hidy自言冇毛可露：「我剃晒。（成身剃晒？）係！我鍾意爽啲同乾淨啲。」

Hidy表示全身的毛都已剃光，不怕出事。

Jeana（左起）、Betrys、Vibeke、周秀娜、Mia、Suki、Rika及Hidy出席活動時鬥晒美腿。