張學友、關淑怡（Shirley）及黃家強昨晚為《「他來自非洲」音樂會》演出，為非洲兒童籌募逾百萬元善款，大會邀請崔建邦擔任司儀，不少圈中人捧場，包括姜大偉夫婦、曹敏莉與未婚夫、林敏驄及王賢誌等。
幾位歌手分別與多名非洲兒童大合唱，其中以吊帶上陣的Shirley主動除鞋，與他們一齊赤腳跳舞，場面非常熱鬧。當非童分享夢想時，Shirley一時感觸地說：「我以前都有夢想，不過長大後先知道原來係奢侈！唱歌廿幾年，先發現原來夢想已經消失咗！」黃家強亦落力演出，為慈善出一分力。
身為爸爸的學友完騷後表示，經常身體力行做善事，更叫埋兩位千金一齊助養貧窮國家的兒童，他笑說：「每年都會收到啲小朋友嘅卡，過多兩年等個女大啲嘅時候，會考慮帶埋佢哋去探訪，畀佢哋知道自己有幾咁幸福。」
另外，剛出關的崔建邦坦言再做主持心情緊張，希望盡快重踏台板。提到陳志雲遠赴以色列聖地苦行，他自爆知道「老細」行蹤，但不清楚對方工作路向。問到為何以「老細」稱呼，他笑說：「佢不嬲係我恩師，我平時都叫佢老細或者老師。」