昨晚《紅黑皇佈道會2010》圓滿結束，王菀之、MC Jin、裕美、張致恒、周永恒與蔡少芬（Ada）先後上台唱福音歌。擔任司儀的王祖藍面對「難Gag始祖」盧大偉即被比下去，穿上神父衫的盧大偉出場即說：「得閒傳吓福音，唔使畀人打鑊金！」其後，裕美上台自稱F.4開始信主，至今已有四、五年，盧大偉即指她講大話：「『慌』4個『慌』呀？」引得全場發笑。
Ada與老公張晉在會上打情罵俏，老公被司儀王祖藍挑釁指好打的他卻打不過Ada，他因而撩太太上台「隻揪」。事後，兩公婆出席慶功宴，Ada坦言有意上台：「我哋會郁手o架！（成日打交？）唔係打！係嚟個擁抱或者郁口，結婚前試過嘈到講粗口，幾乎嫁唔去！婚後互相體諒，鬧交後會匿喺房喊完就冇嘢！」另一對洪天明與周家蔚被邀合照時勁尷尬，天明自爆因不開心事而信主，並減少夜蒲：「年紀大！（守婚前性行為誡條？）唔識答呀！自己識做啦！」