周比利是前輕中量級自由搏擊世界冠軍，以往經常參與功夫電影的演出，大多飾演大反派，曾跟李連杰、甄子丹、成龍及洪金寶等功夫明星對打，可謂「打出名堂」。桃李滿門的周比利，有不少明星徒弟，包括台灣型男吳建豪拍攝電影《少年阿虎》時，也曾拜他為師。據知，周師傅近日再收一名明星徒弟，正是為電影《李小龍傳》準備的Aarif！

身在加拿大的周師傅談及新徒弟也不禁激讚：「佢跟咗我幾堂，佢本身係完全冇拳擊底子，所以要佢體能方面要加強啲，教好佢個功架，咁先打得好睇。（成績如何？）佢進步得好快，加上錢嘉樂成日帶佢去睇拳賽，等佢親身體驗一下，投入拳手個思想、腰馬同馬步咁，對佢出招好有幫助。」周師傅讚賞Aarif的成績合格，加上錢嘉樂及電影導演的要求，相信足以應付電影的要求。

記者亦致電Amusic求證，發言人承認Aarif近日頻頻學拳，但詳細事宜留待電影公司公布。今年獲得金像獎「最佳新演員」的Aarif，獲邀主演由文雋開拍的《李小龍傳》，雖然跟星皓的《李小龍傳奇》鬧雙胞，但無礙Aarif為新戲搏命準備，精神可嘉。

身形完美甚啱演

對於Aarif飾演李小龍，拍攝電視版《李小龍傳》的陳國坤直言沒有看過對方演出的《歲月神偷》，但單憑外形已覺得很合適，他說：「佢演年輕版李小龍嘅身形係Perfect！（之前周杰倫都想扮李小龍？）我覺得佢冇咁似，周杰倫個人形象太深。（借出李小龍嘅珍藏品協助拍攝？）需要嘅冇問題，但我知電影策劃人係李振輝（李小龍弟弟），佢珍藏多過我！」

文：音樂組