英皇電影《前度》昨晚舉行首映禮，鍾欣桐（阿嬌）、陳偉霆（William）、詩雅和監製杜汶澤盛裝出席，而楊受成伉儷、泳兒、莊思敏、at17、林一峰、周俊偉、曾國祥、陳嘉容和張智霖等捧場，場面熱鬧。楊受成笑指William艷福不淺：「你（指William）就着數晒啦！我都想做你。」
阿嬌表示老闆給她驚喜，她則邀來四位重量級嘉賓捧場，問到好姊妹蔡卓妍（阿Sa）有否捧場？阿嬌慨嘆：「佢喺橫店拍嘢，最愛嗰個唔喺身邊，佢有SMS打氣。（有指阿Sa加簽英皇五年約？）唔知，我唔八卦，私人事唔會拎出嚟講。（有機會分開發展？）未完約，成日問埋呢啲問題，之前已經回應咗。」
至於杜汶澤被問到新片上映撞正世界盃，會否擔心票房？他淡定地說：「我套戲10號上，世界盃11號先開始，而且世界盃係夜晚打，觀眾可以日頭睇戲，而且世界盃期間，唔擔心影響票房。（內地上映？）暫時未知。」