07/06/2010

播放本新聞相關短片

阿嬌懶理「舊情人」摸仔反擊

麥浚龍(Juno)公開與混血女模Janine的戀情,緋聞舊愛鍾欣桐冷淡地表示戥男方開心,更摸陳偉霆胸部反擊!

鍾欣桐(阿嬌)、陳偉霆、詩雅和杜汶澤,昨日在海港城出席英皇電影《前度》慈善簽名會活動。對於Juno終承認混血女模Janine為正印女友,阿嬌冷淡地說:「係咩?咁咪好囉!(佢唔承認之前嘅緋聞女友?)咁點呢?」問到會否覺得甩難,她緊張地說:「唔好誤導我,我戥佢開心,做人最緊要開心。(知佢女友身份?)唔知,冇睇。」

至於Juno視她為好朋友,阿嬌說:「朋友唔使成日見,亦唔會打畀佢,咁會好八卦!依家事業為上,唔急拍拖。(好Dry?)Dry咪飲嘢囉!飲水囉!」她即場向陳偉霆從後施以胸襲,問到摸完男方會否刺激她找個肌肉男,阿嬌說:「咁無聊,但佢幾好肌肉。(鍾意大隻男?)唔好,好驚,結實唔好鬆弛就得,最緊要注重儀容。」

小方被舊愛「食住」

此外,阿嬌前緋聞男友方力申昨日出席活動時說:「我唔會畀小朋友食住,就等於拍拖唔可以畀女友食住一樣。(以前畀女友食住?)當然有,但好耐之前嘅事,咁每段感情都有開心同唔開心。」對於日本勁旅SMAP取消上海世博的演唱會,將為英皇電影《出水芙蓉》出席上海電影節的小方說:「估唔到,但安全性好重要,惟有等佢哋遲啲喺第二度再開先捧場。」

專案組、影視組