謝婷婷及劉心悠前晚出席BVLGARI首飾活動，穿上價值7萬多元Loewe低胸露背連身裙的婷婷輕易揮低酥胸少露的心悠。對於有傳阿嫂張栢芝月底復工，婷婷坦言不清楚：「佢出院後，我哋冇見過，佢生日我都要工作。（太快復工？）係佢嘅主意，呢幾日都有同佢傾電話，佢話有好多人照顧。
（佢肥到170磅？）唔理體重，孕婦要好好調理同健康。」孝順女的婷婷透露父親節將與謝賢食扒慶祝，問到哥哥謝霆鋒會否出席？婷婷說：「佢喺橫店開緊工。（教Lucas畫畫送畀霆鋒？）好提議，呢幾日教吓佢！」至於劉心悠則否認師姐林嘉欣因多次失落電影頒獎禮而退出影壇，她說：「佢放緊假去咗加拿大。（造就你做一姐？）唔係咁講，我係妹妹！」
另外，婷婷的姪仔謝振軒（Lucas）前日在工人陪同下坐七人車到深灣遊艇會，Lucas見記者影相毫不怯場，全程眼仔睩睩向住鏡頭微笑，非常可愛！