30/04/2010

播放本新聞相關短片

羅敏莊 陳國邦 拒生BB

本文重點
羅敏莊和陳國邦由拍拖到結婚都恩愛無比,近日結伴到迪士尼享受「星級款待」,羅敏莊興奮地表示婚後老公除疼錫她之外,亦一改以往亂發脾氣的個性。

近日羅敏莊(Mimi)和陳國邦(Power)結伴到迪士尼樂園享受「星級款待」,Power打扮成Mimi最愛的米奇老鼠,逗得伊人開心不已!Mimi興奮地表示婚後老公一改以往胡亂發脾氣的個性,她說:「我哋拍拖嗰時佢有時都會發脾氣,但結咗婚之後佢態度好咗!」

爭取時間陪愛妻

Power直言與Mimi關係更勝從前:「浪漫啲嘅講法就係結咗婚我對佢有咗承諾,要真係對佢好啲,市井啲嘅講法就係我哋都結咗婚啦!拍拖就話可以鬧分手啫!依家唔通離婚咩!」

Mimi表示Power會盡量爭取時間陪伴她:「有時佢會同我講『老婆,我陪你去做嘢啦!要陪你多啲,我點知你幾時死呀!』可能有啲人會覺得佢咒緊我,但係我明白,佢真係想爭取所有嘅時間陪我!」

不過他們卻沒有生BB的打算,Power說:「其實我哋都算係遲婚,我依家都已經四十幾歲,開始享受緊人生,如果真係生咗個仔,起碼要等到佢廿幾歲開始穩定,我先會安心,到時我都已經六十幾歲啦!」不過他不排除有可能會領養小孩。

專案組