馬浚偉與郭羨妮（Sonija）昨日出席劇集《隔離七日情》拜神活動，馬浚偉表示此劇是自己有史以來最多情慾戲的一套，既與Sonija激吻，又與呂慧儀濕吻，Sonija則說：「係呀！佢『吸盤』我呀！尋晚都拍咗場我騎住佢按摩嘅戲份。」

鄧健泓坦言不擔心將來去向。

明顯瘦了的欣宜，開心地與黃宗澤合照。

馬浚偉昨日更公然攬着郭羨妮合照，問到會否怕再傳緋聞，二人表示現時是很好的朋友，不諱言於新加坡工作時細談往事，將十年前的誤會一小時內說清楚，Sonija承認當時受人唆擺才產生誤會，幸而現已冰釋前嫌，馬浚偉說：「講真，嗰陣唔係有好感就做唔到好朋友，不過之後出現咗啲奇怪事，跟住一盆冷水咁！」另外，他表示一、兩年內會結婚，但還未向女友求婚。

鄧健泓唔擔心冇得撈

此外，提到「志雲黨」一一「冇得撈」，鄧健泓表示不擔心：「拍完呢套劇未知有乜嘢做，不過人生唔係淨得一個娛樂圈，就算將來有冇事都唔會有大問題。」而鄭欣宜明顯纖瘦了，不過就不肯透露磅數，問到知否好友馬天如會否替母親狄娜舉行追悼會，欣宜說：「唔知喎！就算係我諗都隔一段時間先。」