日籍型男竹野內豐昨日首度來港，出席由他代言的時裝品牌D'URBAN旗艦店開幕及擔任剪綵嘉賓。為慶祝品牌四十周年紀念，由2月1日起，竹野內豐擔任中、港、台、日本及韓國的全新代言人，昨午二時三十分，一身便服打扮的竹野內豐，襯以鬚根，型爆抵港，由七至八名工作人員為他護航返回中環的四季酒店，雖然冇Fans接機，但他對傳媒態度友善，保持微笑及揮手。
在酒店小休後，竹野內豐換上另一套黑色西裝現身尖沙咀海港城的概念店，逾百Fans聞風而至，甫見偶像即大叫其日本名「Yukata」，他即報以微笑，還多次望向Fans，隔空施冧功。不過，他的經理人事前表示，不會接受任何傳媒訪問，故他只肯回答大會安排的兩條問題。對於首度來港，他說：「一出機場就見到好多記者，嚇咗我一跳，好期待嚟香港，好榮幸可以出席今日嘅活動，好開心！（想去香港邊度？）好希望有時間四圍睇吓，好可惜日本好忙，冇時間逗留，希望下次再嚟，逗留耐啲行吓。」他僅逗留十五分鐘作旋風式亮相，今日即火速飛返日本。
