陳奕迅一連18場演唱會今晚閉幕，雖然個唱期間傳出與太太徐濠縈離婚的消息，但Eason懶理謠言，每晚心情都High爆。前晚他在台上表示要多謝很重要的人，觀眾即高呼：「徐濠縈！」他即發表愛的宣言說：「老婆太重要唔需要成日提，費事咁肉麻！」對於離婚傳言，他在台上作出否認：「根本冇呢回事，周刊影到同我一齊嗰個女人，係我演唱會服裝設計之一何志恩，大家唔使買嗰本雜誌。」

徐濠縈	風騷的Eason在台上表現甚High，更大玩不文兼粗口諧音。

自認樂壇洪金寶

前晚鄭伊健跟捲入涉貪案被廉署拘捕保釋候查的無綫監製錢國偉捧場，兩人睇到企起身，當Eason聽到有人大叫「浩南哥」時，他即指住VIP位的伊健，令全場起哄，Eason即時扁嘴說：「佢坐喺度就有咁多掌聲咁受歡迎，試吓我坐低有冇掌聲先。」其後他索性瞓低，更身手敏捷做出蜈蚣彈，令觀眾拍爛手掌，他笑說：「我係樂壇洪金寶。」

風騷的Eason又發揮扮嘢本色，模仿杜汶澤在電影《無間道》飾演的傻強講對白，笑爆全場，其後更大玩不文兼粗口諧音，看到有觀眾以激光槍射他，他即說：「唔好射我塊面，射下半身冇所謂，你射我邊度，我就用邊度射番你哋。」最後介紹樂隊時，結他手彈的聲音似「雕雕」聲，他笑說：「好似聽到母字喎！」接着大講粗口諧音，全場爆笑。