對於Baby突然升Cup，舊愛陳偉霆（William）昨日出席復活節活動時坦言有睇報道，但揭兩揭已放低：「始終係女性敏感地方，啲相影嗰度唔係咁好！（信唔信Baby隆胸？）應該唔會，雖然一段時間冇見，但睇相覺得佢肥咗好多，可能之前太瘦，依家大個女。（佢以前係咪A Cup？）佢本人至清楚，我對數目字同英文字好差。」
另外，他透露與夏文汐合作的新片已傾得七七八八：「我個角色幾特別，一人做兩角，夏文汐係我客人。」問到是否演男妓，他瞪大眼說：「我冇講，總之係服務性行業。（床戲？）做嗰行總會有床戲。（使唔使操股？）暫時冇需要露Pat，露Pat Pat好尷尬！」此外，William昨晚與G.E.M.撐枱腳，更在微博互相留言，以「兄妹」相稱。