於05年出道的Baby，當年孖住好姊妹Janice Man以金髮、「大眼仔」及貨車帽等日本潮爆形象風靡界，雖然身材近乎AA Cup，但齋賣靚樣及可愛已輕易登上女神寶座！前年，Baby首度攻日為TGC行騷，並簽約當地著名藝人公司avex，上月更為avex擔任雜錦唱片的封面女郎，罕有地不用穿性感水着賣弄身材，只靠靚樣及人氣谷碟！

07年12月 Baby身穿Tube Dress出席化妝品活動，身材毫無凹凸感。	08年5月 Baby穿上低胸背心出席運動品牌活動，盡顯A Cup身形。	09年7月 Baby在巴黎拍寫真，身穿泳衣展現骨感美。

今年２月，Baby為意大利服裝品牌Flygirl拍攝2010春夏時裝照，即使穿上吊帶低胸裙俯身，身材依然毫無睇頭。不過事隔兩個月，日前她穿上Low Cut裙出席活動時，上圍突然升Cup，「事業線」令人眼前一亮，全場嘩然！雖然她自稱肥了5磅，體重衝破100磅大關才令上圍受惠，但仍惹來「打假波」傳聞。

斥「假波」報道失實

Baby對此大感無奈，其經理人Kim更怒斥報道斷章取義：「冇啲咁嘅事，冇證冇據咁去傷人，對佢哋好失望，而且Baby手腳都有肥到，點解淨係話佢上圍？（有冇食補品豐胸？）Baby肥咗3至5磅，佢話食咗蟲草肥咗，公司考慮將事件交畀律師處理！」

Baby拍攝宣傳照期間十分專業，在8小時內火速更換20套服飾，更熟練地擺出瞓身及咬唇等誘人甫士，又與工作人員有說有笑，絲毫沒有疲態。不過，「口痕」的她忍不住狂吃零食、Pizza及意粉等高脂食品，難怪她在微博中自責減肥失敗，並說：「我苗條的體形啊！回來吧！」