靚靚與Chilam首次以夫妻檔上陣拍廣告，並於昨日襯到絕齊齊以白色情侶裝出席鑽飾品牌Forevermark活動。酬勞方面，靚靚坦言非常可觀，比起單人出席活動時高很多。二人在台上你一言我一語鬥嘴大耍花槍，大會又播出他們拍攝廣告照時的花絮片段，Chilam笑說：「之前拍嘅廣告相令我哋重溫恩愛嘅感覺，反而喺屋企冇乜兩嘴，呢次係個好回憶，真係功德無量。」

Chilam笑言平日與靚靚在家中冇乜兩句，反而今次拍廣告才重拾恩愛感覺。

高圓圓確實地表示與內地導演王小帥冇可能發展。

老公送禮 冧晒幸福

受訪時，Chilam坦承並非口甜舌滑的人：「我不嬲都係直話直說嘅。（唔驚老婆嬲？）佢成日都好嬲o架噃！」身旁的靚靚不怒反而替老公擋駕，有默契地說：「咁好多時佢講嘅都係事實。」問到Chilam平日可有送鑽石，靚靚說：「都有十次八次，最大有兩卡，不過佢唔肯再送大粒啲，寧願買架車畀我。」

重投樂壇的Chilam今年將開個唱，稍後亦會拍攝王家衛的新片《一代宗師》，他承諾會肩負搵錢的重擔，靚靚聞言即得戚地表示，希望今年「唔使做」！