徐子珊、吳尊夥拍趙薇及甄子丹合作電影《錦衣衛》，子珊和吳尊資歷較淺，加上年紀相若，很快成為好友，吳尊笑說：「我哋兩個心態冇咁緊張，大家都冇乜經驗，加上唔怕受傷又想挑戰自己，成日主動要求一個鏡頭拍幾次。」兩人都是愛吃零食的大孩子，每到片場均帶備零食。

徐子珊坦言冇膽愛吳尊，因擔心觸怒對方的Fans 。

吳尊大讚子珊演戲有天分，能表達導演的要求。

怕打傷對手俏臉

子珊坦言與吳尊對手戲多，大部分都是打戲，最擔心傷及吳尊俏臉：「如果我整親佢，啲粉絲一定唔會放過我，所以要打得好小心。」吳尊澄清自己並非如外表般貪靚，他其實很喜歡拍打片亦很享受吊威吔，感覺上很有型、有大俠風範。

子珊和吳尊因拍攝《錦衣衛》而成為好友。

資料圖片

吳尊一向以外表標致見稱，連子珊也不禁羨慕其外表上鏡，問到會否揀這種美男子做男友，子珊說：「吳尊外表同內心好唔同，佢其實係幾Man，但講到做男朋友，咁靚仔都會少啲安全感，如果係佢就更加唔得啦！一定好大壓力，佢咁多粉絲，我會擔心自己安全。」