梁琤近日忙於排練本月中公演的舞台劇《無動機殺人犯》，她在劇中飾演竭斯底里的悲情角色，除了經常要維持在亢奮狀態外，其中一場更是一埋位便要嚎哭，從演多年的她亦不禁呻有難度：「真係幾大挑戰！所以為咗投入角色，我呢排成日都自言自語唸對白，又成日諗住個角色有幾慘，都幾大壓力。（最難演係邊場？）都算係嚎哭嗰場，因為唔係次次埋位都即刻投入到情緒。依家狀態七成左右，希望正式演出時可以去到滿分。」為使全場觀眾可以清楚聽到對白，梁琤連日加緊「開聲」備戰：「我成日喺啲冇人嘅地方大嗌，希望嗌開啲把聲！」