信佛後，杜汶澤戒煙又戒酒，生活變得簡樸。不過，早前他在信用卡廣告中扮演富豪，除了換上皮草加閃爆眼鏡等浮誇打扮外，身邊更有大隻保鏢護駕，一享奢華生活：「我依家生活好樸素，呢啲浮誇嘢真係『冇幾何』，好在我近年都識到啲富豪大亨，演呢個角色難我唔到嘅！」

杜汶澤有美相伴，零舍醒神！

手執權杖的阿澤備受吹捧，得戚到爆！

今次廣告以消費為大前提，阿澤又去睇戲又歎紅酒，但最難忘是到夜店喪蒲：「戒咗酒之後，好耐冇去過夜店喇！今次有靚女又有外籍朋友陪，真係好過癮，導演仲畀我自由發揮，隨便玩，佢就負責捕捉鏡頭，拍得好輕鬆！」

人氣旺收「滿意價」

另外，阿澤最近影視兩忙，除與汪明荃主演的劇集《女王辦公室》大受歡迎外，監製的電影《前度》亦獲選為香港國際電影節閉幕電影，令他的人氣大旺！問到接拍廣告有否加價？他只笑笑口說收「滿意價」。