自宣布再度在紅館開騷後，Twins的宣傳攻勢一浪接一浪，前晚《勁歌金曲》特別炮製「Twins之夜」，並邀得Twins師姐容祖兒及臨時重組的Boy'z任嘉賓，其中關智斌（Kenny）自爆綵緋時已不斷窒Twins是「中女」，怎料反被嘲是「阿叔」，Twins笑說：「死Kenny！佢老啲，叫佢反省吓自己先！」

Twins與Boy'z互相嘲笑，令人啼笑皆非。	祖兒與舞蹈員大跳貼身舞，贏盡掌聲。	身穿毛毛戰衣的祖兒，露出滑溜玉背。

祖兒抗拒徵婚

Twins獲大批Fans捧場，反應熱烈，蔡卓妍（阿Sa）坦言是演唱會前的一支強心針：「好開心見到咁多Fans，好耐未見過場面咁鼎盛！」至於祖兒則身穿露背舞衣獻唱冠軍歌《桃色冒險》，對於以大師姐身份任嘉賓，她說：「好開心，尤其今日阿嬌（鍾欣桐）都喺度，會支持佢哋！」她還自爆一名男士曾致電其公司徵婚：「我喺音樂特輯同電台講過擇偶條件，估唔到真係有人打去公司徵婚，呢啲嘢我都係鍾意自己遇到！」

阿Sa昨日出席時裝騷時表示想行天橋，但自知身材矮小，不能與專業Model相比，問到會否介意男友比她矮，她說：「睇吓佢有冇其他吸引地方，例如才華。」問到緋聞男友鄭中基可有吸引之處，她突然自稱單身，記者再追問由何時開始單身，但她只說：「總之我係單身！一日未結婚都係單身，暫時未有結婚打算。」