楊愛瑾（Miki）、吳浩康（Deep）、莊思敏及周柏豪等前晚出席新片《愛麗絲夢遊仙境》名人場，Deep得悉女友莊思敏希望有507卡巨鑽作為求婚禮物後即說：「佢嫁畀粒鑽石？市儈！有鑽石就冇幸福，畀佢揀！（507卡要二億幾？）得嘅！我畀心機工作，四十歲有希望！等我得閒都搵啲不可能的任務為難吓佢！」
另外，Miki透露將出書：「我書展會出本愛情書。（同鄧麗欣比邊個文采好啲？）我唔敢講，但我有睇新聞，依家Check住自己有冇錯別字。（寫埋同徐天佑戀情？）我哋都冇拍過拖，總之會有自己嘢！」而周柏豪則與緋聞女友「翻版徐子淇」鍾浠文出席，他說：「我哋唔多見，各有各忙，佢又靚又高又斯文又有愛心，男仔一定鍾意，我公司咁多靚女，真係花多眼亂！現實中我唔係花心男，外間誤會咗我。」